Айсен Потапов Арассыыйатааҕы көҥүл тустууга кыайбыт бөҕөстөр ортолоругар 1 мөлүйүөнү ылла

Сэтинньи 3 күнүгэр «Өрөгөй» успуорт уораҕайыгар көҥүл тустууга Арассыыйа успуордун маастара, Ил Түмэн норуодунай дьокутаата Александр Крылов кэриэһигэр көҥүл тустууга III Арассыыйатааҕы турнир түмүктэннэ. Быйылгы турнирга уопсайа 18 хамаандаттан 155 тустуук кытынна.

Финалга интэриэһинэй киирсиилэри көрдүбүт. Саха сирин сүүмэрдэммит хамаандатыттан 3 бөҕөс бастакы миэстэни ситистилэр. Ол курдук, 74 киилэҕэ Константин Капрынов Бурятияттан Александр Балтуевы 8:6 очконан кыайда. 70 киилэҕэ Айсен Потапов Тываттан Сайын Казырыгы баһыйда. 125 киилэҕэ бастакы миэстэ иһин икки Саха сирин уолаттара Никита Хабаров уонна Харысхан Баппаҕай кииристилэр. Харысхан Баппаҕай 5:0 кыайда.

3 Тыва уолаттара кыһыл көмүс мэтээли ыллылар: 57 киилэҕэ Аяндай Ондар, 61 киилэҕэ Кежик Монгуш Александр Авеловтыын тэҥ киирсиини көрдөрдүлэр, Кежик 4:3 Александры хотто. 65 киилэҕэ Кежик Чымба 12:2 очконан кыайда, инньэ гынан, Кежик Чымба икки төгүллээх Крылов турнирын кыайыылааҕынан буолла.

79 киилэҕэ Красноярскайтан бырааттыы Сучковтаркиирсиилэрин, хомойуох иһин, көрбөтүбүт. Антон убайыгар Никитаҕа кыайыыны биэрэн кэбистэ. Дьэ бу маны эттэхтэрэ, убаай диэн убаастабыл, быраат диэн баттабыл диэни!

Онон, Саха сирин бөҕөстөрө 3 кыһыл көмүһү ыллылар. Үрүҥ көмүһү Федор Постников, Александр Авелов, Василий Григорьев, Даниил Иванов, Никита Хабаров ситистилэр. Кыайбыт бөҕөстөр ортолоругар сүрүн бирииһи 1 мөлүйүөнүАйсен Потапов ылла.

Санатан эттэххэ, кыайыылаахтар – 70 тыһыынча, иккис миэстэ – 50 тыһыынча, үһүс миэстэ – 30 тыһыынча солкуобайынан наҕараадаланнылар.Чөмпүйүөннэр тириэньэрдэригэр – 20 тыһыынчасолкуобайы туттардылар.

Арассыыйатааҕы көҥүл тустууга А.В. Крылов 2024 турнирын түмүгэ:

57 киилэҕэ:

1. Аяндай Ондар (Тыва)

2. Федор Постников (Саха)

3. Егор Явловский (Саха)

3. Амир Чамзын (Тыва)

61 киилэҕэ:

1. Кежик Монгуш (Иркутск)

2. Александр Авелов (Саха)

3. Валентин Бурнашев (Саха)

3. Баир Баяндуев (Бурятия)

65 киилэҕэ:

1. Кежик Чымба (Красноярск)

2. Василий Григорьев (Саха)

3. Юлиан Григорьев (Саха)

3. Виктор Жербаев (Бурятия)

70 киилэҕэ:

1. Айсен Потапов (Саха)

2. Сайын Казырык (Тыва)

3. Сергей Якимов (Иркутск)

3. Кирилл Корнеев (Кемерово)

74 киилэҕэ:

1. Константин Капрынов (Саха)

2. Александр Балтуев (Бурятия)

3. Албан Аввакумов (Саха)

3. Николай Сивцев (Саха)

79 киилэҕэ:

1. Никита Сучков (Красноярск)

2. Антон Сучков (Красноярск)

3. Роман Николаев (Саха)

3. Анатолий Никитин (Саха)

86 киилэҕэ:

1. Дмитрий Зайнидинов (Красноярск)

2. Азрет Улимбашев (КБР)

3. Алексей Евдокимов (Иркутск)

3. Мгер Кочоян (Приморье)

92 киилэҕэ:

1. Буянто Шадапов (Бурятия)

2. Эмиль Рамазанов (Хабаровск)

3. Ньургун Сергин (Саха)

3. Гаджимагомед Нажмудинов (Москва)

97 киилэҕэ:

1. Константин Пшеничников (Кемерово)

2. Даниил Иванов (РСО-Алания)

3. Тимур Котаев (Красноярск)

125 киилэҕэ:

1. Харысхан Баппагай (РСО-Алания)

2. Никита Хабаров (Саха)

3. Михаил Нестеров (Саха)

***

Татьяна ЖАНЧИКОВА