Сунтаардааҕы политехническэй лицей оҕону эргиччи сайыннарар

Бүгүн улуус баһылыга Анатолий Григорьев уонна имиджевай бэлиитикэҕэ солбуйааччы Альберт Иванов политехническэй лицей материальнай базатын көрдүлэр. Дириэктэр Олег Сосин оҕолор ситиһиилэрин үөрэ үллэһиннэ, хас биирдии кабинет үлэтин сиһилии сырдатта.

Быйыл беспилотнай көтөр аппарааттары үөрэтэр, өрөмүөннүүр уонна точка роста кабинеттара арылланнар олус таһаарыылаахтык үлэлии тураллар. Манна оҕолор сөбүлээн дьарыктаналлар.

Сэргии көрбүппүт диэн Бүлүү Эбэ кытылыттан хомуллубут таастары кырыылаан кэрэ оҥоһуктары, киэргэллэри айан таһаарбыттар.

Лицей үчүгэй хаһаайыннаах буолан, оҕолорго тупсаҕай усулуобуйаны тэрийэр сыалтан, тэрилтэ бэйэтин күүһүнэн өрөмүөн үлэтин ыытар. Саҥа оскуола тутуута түмүктэннэҕинэ айымньылаах үлэтэ өссө таһаарыылаах буолуоҕа.

***
Пресс-служба Сунтарского улуса