Өлбүт байыас бииргэ төрөөбүтүн аармыйаттан босхолоотулар

Кирово-Чепецк куорат олохтооҕо Иван Смольников бииргэ төрөөбүт убайа анал байыаннай дьайыыга өлбүтүн иһин аармыйаҕа сулууспаттан босхолонор туһугар военкоматы кытта сууттаспыт. Ол тугунан түмүктэммитин «Школа призывника» телеграм-ханаал суруйда.

Бастакы инстанциялаах суут «призывник» ирдэбилин ылымматах. Онуоха  Смольников Кировскай уобаластааҕы суутугар үҥсүбүт уонна кыайбыт. Онон, суут призывной хамыыһыйаны уолу аармыйаҕа сулууспаттан босхолуурга модьуйбут. Бу быһаарыыны Алтыс кассациялыыр суут бигэргэппит. РФ суутугар бастакытын маннык түмүк тахсыбыт. Ол эбэтэр,  мобилизацияланан барбыт байыас өллөҕүнэ, кини бииргэ төрөөбүттэрэ уонна оҕолоро аармыйаҕа сулууспаттан босхолоноллор эбит.

«Школа призывника» суруйарынан, маннык быраап 53 №-дээх ФЗ 23 ыстатыйатынан мэктиэлэнэр уонна эбиитин Алтыс кассациялыыр суут быһаарыытынан бигэргэммит, онон АБДь баран өлбүттээхтэр аармыйаттан босхолонор бырааптарын туруулаһыахтарын сөп.

***

Сонун төрдө: «Школа призывника» 
Источник: Аартык