Арассыыйатааҕы устудьуон күнүн Ньурбатааҕы техникум үгүс ситиһиилэрдээх көрсөр
Техникумҥа сахабыт сирин араас муннуктарыттан 139 устудьуон 6 араас идэҕэ үөрэнэр. Мантан 114 уол, 24 кыыс.
Оҕолор үөрэх, култуура, общественнай үлэ бары эйгэтигэр көхтөөхтүк кытталлар.
Республика, Россия, норуоттар икки ардыларынааҕы таһымнаах “Инникигэ хардыы” научнай-практическай конференцияларга быйыл призер буоллулар, “Профессионалы” республика Чемпионатын кыайыылаахтара уонна Ньурба куорат сылы түмүктүүр тэрээһинигэр техникум волонтерскай корпуһа сыл түмүгүнэн бастыҥынан ааттанна!
Устудьуоннар СВО кыттыылаахтарын дьиэ кэргэттэригэр, соҕотох олорор кырдьаҕастарга мас, муус тиэйиитигэр, хортуоска хостооһунугар, маны таһынан “КөмүсКэл” иис сыаҕар көхтөөхтүк көмөлөһөллөр (куратор – Семен Андрианович Семенов).
Техникуммут дириэктэригэр Андрей Егоровичка, бары преподавателлэрбитигэр, үлэһиттэргэ уонна устудьуоннарбытыгар истиҥ эҕэрдэбитин тиэрдэбит! Өссө даҕаны инникитин үрдүк чыпчааллары дабайаргытыгар баҕарабыт!
***
Ньурбатааҕы техникум пресс-сулууспата
Источник: Аартык