Кулун тутартан ититии төлөбүрэ уларыйар

Дойду бырабыыталыстыбатын уурааҕынан, кулун тутартан элбэх кыбартыыралаах дьиэлэргэ олорор Арассыыйа олохтоохторо ититии иһин оттук дьылын кэмигэр эрэ төлүүр буолуохтаахтар. Ол эрээри, СӨ Сыанаҕа судаарыстыбаннай кэмитиэтэ СИА-ҕа иһитиннэрбитинэн, Саха сирэ оннук төлөбүргэ көспөт.

“Өскөтүн дьон төһөнү туттубутунан төлүүрэ эбитэ буоллар, кыһын ботуччу харчы ааҕыллыа этэ. Оннук буолар түгэнигэр, ыйдааҕы орто төлөбүр 33%-нан үрдүөхтээҕэ. Ититии ситимигэр счетчиктаах дьон нормативынан буолбакка, счетчик төһөнү көрдөрбүтүнэн төлүүллэр. Ол да буоллар сыллааҕы уопсай суума син биир 12 ыйга түҥэтиллэр уонна сыл бүтүүтэ перерасчет оҥоһуллар”, – диэн ДьУоХХ миниистирэ Вячеслав Емельянов кэпсиир.