Нам улууһуттан биэс уонча киһилээх делегация Олоҥхо ыһыаҕар кыттыаҕа
От ыйын 4-5 күннэригэр Нерюнгри оройуонугар 18-с төгүлүн ыытыллар Олоҥхо ыһыаҕа буолуоҕа. Нам улууһуттан ыһыахха 49 киһилээх делегация барара былааннанар. Улуус дьаһалтатыттан 8 киһи, ону кытта Ыһыах культура уонна спорт күрэхтэрин кыттыылаахтара айанныыллар, диэн «Эҥсиэли» хаһыат суруйар.
Биһиги улууспутуттан бастыҥ толорооччулар — олоҥхоһуттар, оһуохайдьыттар, тойуксуттар уонна төрүт культураны илдьэ сылдьааччылар “Олоҥхо оспот омоон суолларынан”, “Куйаартан кутуллар дорҕоон”, “Аламай күн алыптаах үҥкүүтэ”, “Киристэпиэл кэрэхсэлэ” күрэхтэргэ кыттыахтара: Владимир Осипов, Яна Нюргусова, Ирина Винокурова, Елена Руфова, Вера Куличкина-Цыпандина, Елена Маркова, Ирина Николаева, Руслан Павлов, Анжела Сунтарова, Дамир Тимофеев, Константин Колодезников. Төрүт саха оҕун маастара Руслан Захаров үлэлэрэ “Сахалыы оҥоһуулаах ох саа” быыстапкаҕа, Октябрина Колесова, Анастасия Старостина үлэлэрэ “Үйэлэр кистэлэҥнэрэ” уран тарбахтаахтар быыстапкаларыгар туруохтара.
“Быһах – эр киһи кутун күүһэ” уустар күрэстэригэр Михаил Баишев, Александр Михайлов, хапсаҕайга Эдуард Максимов кыттаары бэлэмнэнэллэр.
Дарина Константинова
Хаартыска: Егор Неонохов
Ысыах Олонхо