Үрүҥ аһы астааһын кээмэйэ былырыыҥҥытааҕар көбүччү көрдөрүүлээх

Статистика сыыппаралара көрдөрөллөрүнэн, өрөспүүбүлүкэҕэ 2025 сыл тохсунньу – ыам ыйынааҕы кэмҥэ үүттэн астааһын биллэрдик улаатта:

Ол курдук, холбуйуу сүөгэйи (чөчөгөйү, күөрчэх сүөгэйин) астааһын кээмэйэ 7,5% улаатан, 413 туоннаҕа тиийдэ (ааспыт сыл туһааннаах кэмигэр 384 туонна этэ);

— Ынах арыытын оҥорон таһаарыы 7,3% эбиллэн, 236 туонна буолла (219 туонна этэ);

— Сыры астааһын 46,5% улаатан, 30,6 туоннаҕа тиийдэ (21 туонна этэ);

— Аһытыллыбыт үүт астары оҥорон таһаарыы 5,1% эбилиннэ;

— Кымыһы астааһын 7 төгүл улаатта. Өскөтүн былырыын 5 ый устатыгар 500 киилэ оҥоһуллубут буоллаҕына, быйылгыта – 3,6 туонна.

Өскөтүн улуустарынан ылан көрдөххө, маннык:

— Амма улууһугар сүөгэйи астааһын кээмэйэ 70% улаатта (1,9 туоннаттан 3,3 туоннаҕа диэри);

— Үөһээ Бүлүүгэ ынах арыытын астааһын 450 киилэттэн 3,2 туоннаҕа таҕыста, кымыс 7, иэдьэгэй 2 төгүл эбилиннилэр;

— Үөһээ Дьааҥыга иэдьэгэйи астааһыны 2 төгүл улаатыннардылар (100 киилэттэн 200-кэ диэри);

— Үүтү оҥоруу, сиикэйтэн ураты, Куорунай улууһугар 4, Мэҥэ Хаҥалас улууһугар 2 төгүл улааттылар;

— Нам улууһугар сүөгэйи астааһын кээмэйэ 2 төгүл улаатта (4 туоннаттан 8 туоннаҕа диэри);

— Сунтаар улууһугар сыры астааһын 3 төгүл үрдээтэ;

— Уус Алдан улууһугар ынах арыытын астааһыны 3 бүк элбэтэри ситистилэр (2,4 туоннаттан 7,8 туоннаҕа диэри).

— Дьокуускай куоракка ынах арыыта уонна сыр былырыыҥҥы туһааннаах кэмтэн 3 төгүл элбэх астанна.

Василий Никифоров

УлуусМедиа