Чапчылҕаҥҥа байыаннай дьайыы кыттыылаахтарын чиэстээтилэр
Чапчылҕан нэһилиэгэр Арассыыйаҕа Аҕа дойду, Саха сиригэр Ийэ дойдуну көмүскээчилэри сылларынан, терроризмы утары сомоҕолоһор уонна буойун албан аатыгар сүгүрүйэн миитин ыытылынна. Миитиҥҥэ анал байыаннай дьайыы кыттыылаахтарын чиэстээтилэр. Бу туһунан «Амма олоҕо» хаһыат кэпсиир.
Чапчылҕан нэһилиэгэр Кыайыы болуоссатыгар миитин буолан ааста. Бу миитиҥҥэ Аҕа дойду улуу сэриитигэр хорсуннук сэриилэспит биир дойдулаахтарын ахтан-санаан аастылар, кинилэр сырдык ааттарыгар сүгүрүйдүлэр уонна анал байыаннай дьайыыттан уоппускаҕа кэлэ сылдьар уолаттарын уонна бааһыран кэлбит буойуну чиэстээтилэр.
Ол курдук Амма улууһун баһылыгын бастакы солбуйааччы Василий Бураев икки уолга Чапчылҕан «Амма киэн туттуута» бэлиэнэн наҕараадалаата. Онтон биир дойдулаахтара бэйэлэрин тимир уустара оҥорбут сахалыы быһахтарын бэлэх ууннулар.
Улуус борокуруора Михаил Николаев истиҥ эҕэрдэтин этэн туран бааһырыыны ылан кэлбит Вячеслав Чириковка «Хорсунун иһин» диэн мэтээли дохсун ытыс тыаһыгар туттарда. Түмүккэ өлбөт-сүппэт уокка сүгүрүйдүлэр уонна сибэкки дьөрбөтүн уурдулар.
Год защитника ОтечестваГод защитника родиныСВО