Василий Алексеев – Бааһынай Баһылай: «Олоҥхо – саха омук бүттүүнэ баайа»
Олоҥхо – саха омук бүттүүнэ баайа, онно бука бары кыттыһыахпытын сөп. Айар, толорор, сыанаҕа, түһүлгэлэргэ киэҥ араҥаҕа туруорар курдук дьайыыны саха барыта толоруон сөп диэн этэр Василий Алексеев – Бааһынай Баһылай.
«Биһиги сахалар былыр-былыргыттан кэлбит, уостан уоска бэриллибит уран тыл хомуллуута буолбут ийэ олоҥхолоохпут. Ону харыстыах тустаахпыт», — диир Бааһынай Баһылай.
Василий Алексеев олоҥхо тыла-өһө атын омук тылыгар ханыытын, суолтатын кэпсиирин Олоҥхо күнүгэр анаммыт таһаарыыга көрүҥ.
Быһаарыы:В.И.Алексеев — Бааһынай Баһылай — Бүлүү улуустарын “Итэҕэл” түмсүүтүн салайааччыта. Тыл үөрэхтээҕэ. Үөһээ Бүлүү Кэнтик нэһилиэгин баһылыгынан үлэлээбитэ. «Быһаарыллыбатах былыргылар, саҥарыллыбатах саҥалар», «Сэмсэ үөрэҕэ» уонна «Аан дайды айыллыыта…Орто дойду олохтонуута» диэн үлэлэр ааптара. Өйдөбүллэри тылбаастыырга, сахатытарга, саха үһүйээнин, номохторун, олох олоруу сиэрин-майгытын, оҕону иитии туһунан элбэх араас көрүүлэрдээх.
День ОлонхоОлонхо