«Чолбон» сурунаал ахсынньытааҕы нүөмэригэр эрэли биэрэр саҥа дьыллааҕы кэпсээннэри ааҕыҥ
Ахсынньы аам-даам туманын быыһыгар тохтобулга тоҥо туран сүрэҕиҥ аҥаарын көрсүөххүн сөп дуо? Сөп. Чэҥ муус эркиннээх хаарбах туруктаах дьиэни дьол сырдык сыдьаайа ириэриэ дуо? Ириэриэ. Оҕо ыра санаата Саҥа дьылга хайаан да туолар диэн чахчы дуо? Биллэн турар.
«Чолбон» сурунаал ахсынньытааҕы нүөмэригэр эрэли биэрэр, дьиктигэ итэҕэтэр саҥа дьыллааҕы кэпсээннэри ааҕыҥ.
Илии Мичил сонуттан олус күүскэ харбаан ылла. Салоҥҥа турааччылар хаһыы-ыһыы буоллулар. Оптуобус тохтоон ходьох гынна. Аан сэгэйбитинэн барда. Уол хайаахтыа баарай, илиини харбаан ылан, туох баар күүһүнэн салон диэки тарта. Бүүс-бүтүннүү муус маҥан, ып-ыраас, сып-сырдык киһи оптуобус иһигэр биирдэ баар буола түстэ.
Бүөтүр Хара «Мичил, Хаарчаана уонна дьикти дьахтар»
– Алло, привет, Сайыына!
– Привет, Айаал! Туох сонун?
– Улахан суох. Эн биһиги билсибиппит икки ый буолла. Күн аайы кэпсэтэбит. Бэйэ-бэйэбитин кимнээҕэр даҕаны чугастык билэбит. Сайыына, мин… көрсүөхпүн баҕарабын.
Кыыс өрө тыынна, тута хоруйдуу охсубата.
Федор Павлов «Кистэлэҥ доҕор»
Оттон биһиги киһибит, сэрэйбитим курдук, судургу соҕус Моруос буолан биэрдэ. Былырыын Намыына кырачааннарга таабырын таайтарбыт, сиэтэ сылдьан ыллата-ыллата харыйаны төгүрүйэ хаамтарбыт буоллаҕына, бу сырыыга биһиги «сулумах» Моруоспут куолаһын соното-соното эҕэрдэлээн айаараат, хоһоон аахпыттарга, ырыа ыллаабыттарга уонна онно холонон көрбүттэргэ көх-нэм буолан, аҕалбыт бэлэҕин тута туттартаан истэ.
Роман Попов «Моруос Баанньа дьолун хайдах булбутун туһунан»
– Ити киэргэл бу дьиэҕэ аан маҥнайгы Саҥа дьылтан быһа турар. Тутааччылар туох эрэ тоһоҕотун чоротон хаалларбыттарын эн курдук ураты көрүүлээх Лааныкай кыыс таах хаалларыа баара дуо, харыйа оонньуурун таһааран ыйаабыта.
– Уаай, мин эбэм? Хайдах итиннэ тиийбитэй? Кирилиэскэ салҕанан дуо?
– Ээ, туох кирилиэһэ кэлиэй. Быыкаа, хатыҥыр кыыс Киргиэлэй кэтит санныгар ойон тахсан ииллэҕэ дии. – Баһылай харыйа оонньуурун имэрийэ көрөн турда.
Татьяна Поскачина «Сырдык сыдьаай»
Дьокуускайга тиийэн саамай улахан харыйаны көрдөөн буллахтарына эрэ, дьиҥнээх Тымныы Оҕонньору көрсөр кыахтаналлар. Онон балтын баҕатын толоро куораттыырга сананна. Уол хараҕын симэн Дьокуускай куоракка турар харыйаны уонна дьиҥнээх Тымныы Оҕонньору оҥорон көрдө. Сарсын дьаһалта суоппарынан үлэлиир аҕатын доҕорун Баасканы көрсөн куо¬ракка илдьэ бар диэн көрдөһүүһү.
Сардаана Корякина «Аптаах харыйа»
Саҥата суох истэ олорбут Соппуруон мүчүк гынна:
– Убайдарбын сааратан Саҥа дьыллааҕы остуоруйа кэпсиирим дуу?
– Дьэ эрэ…
– Ити этэр Маппыйгыт биһиги аймахха күндү күтүөт буолан күлүмүрдээбитэ сыл буолан эрэр.
– Ноо! – «убайдара» улуу олоҥхоһуту истэр¬дии айманаллар.
Анатолий Слепцов «Маппыысалар»
– Бу дьиэлэргэ, тоойуом, Саҥа дьыл гномиктара олохсуйуохтара, кинилэр дьолу аҕалар, алаһа дьиэни араҥаччылыыр аналлаах аптаах күүстээхтэр, – эбэтэ, ачыкытын сүүһүгэр өрө анньаат, наһаа итэҕэтиилээхтик эттэ.
– Наһаа элбэх дьиэ дии! Үчүгэйиин! Оонньуубун? – сиэнэ уол дьиктиргээн, долгуйан, харахтара уоттанан, сирэйэ уратытык сырдаан кэллэ.
Валерий Андросов «Остуоруйа салҕанар»
«Чолбон» сурунаал атыыланар сирдэрэ:
— Бэчээт дьиэтэ, 125-с кабинет
— Бэчээт дьиэтэ, 1-кы этээскэ киоск
Чолбон