Кыайыы скверэ оҕолор көмөлөрүнэн ыраастанна

Оҕону кыра эрдэхтэн үлэҕэ үөрэттэххэ, ыарахантан да толлубат, кырдьаҕас дьону убаастыы, тулалыыр эйгэни харыстыы улаатара чуолкай. 

Кулун тутар 21 күнүгэр Хатыҥ-Арыы орто оскуолатын 6 “а” кылааһын үөрэнээччилэрэ, кылаас салайааччыта Марианна Исаковалыын Аппааны сэлиэнньэтин Кыайыы скверин хаарын ыраастаатылар.

Марианна Алексеевна — математика учуутала, кылааһыгар 22 оҕо үөрэнэр. Оскуола ыытар тэрээһиннэригэр төрөппүттэр уонна оҕолор көхтөөхтүк кытталлар. Үөрэнээччилэр быйыл номнуо улаатан, пааматынньыкка киирии суол хаарын ыраастаатылар уонна сибиэһэй салгынынан дуоһуйа тыыннылар. Бу курдук Нам улууһун оҕолоро атыттарга үтүө холобур буолаллар.

Надежда Сивцева, «Эҥсиэли» хаһыат.

УлуусМедиа