Норуот депутата Федот Филиппов: Ил Дархаҥҥа үлэтэ суох хаалбыт дьоҥҥо болҕомто уурарга этиибитин киллэрдибит

Бүгүҥҥү СӨ Ил Түмэнин уочараттаах мунньаҕар Саха сирин Ил Дархана Айсен Николаев 2025 сыл сүрүн түмүктэрин иһитиннэрдэ. “Сиэрдээх Арассыыйа” партия депутата Федот Филиппов бэлиэтииринэн, Ил Дархан отчуотугар саамай сүрүннүүр хайысхаларга болҕомтотун уурда.

“Билиҥҥи аан дойдуга тыҥаан турар судургута суох кэмҥэ биһиги өрөспүүбүлүкэбит экономиката сайдан иһэрин үөрэ иһиттибит. Биһиги элбэх киһини долгутар ыйытыыларбытыгар – сүрүннээн үөрэх, ОДьКХ эйгэтигэр эппиэт ыллыбыт. Маны таһынан, Ил Дархаҥҥа үлэтэ суох хаалбыт дьоҥҥо болҕомто уурарга этиибитин киллэрдибит”, — диэн кини үллэһиннэ.

УлуусМедиа