“Тоҕус томтор оонньууларыгар” ким кыттарый?
Бүгүҥҥү “Тоҕус томтор оонньуулара” Чурапчы улууһун ыһыаҕын биир бастыҥ киэргэлэ, саамай кэтэһиилээх түһүлгэтэ. Степан Алексеев сырдык кэриэһигэр ХI-с төгүлүн ыытыллар күрэх хаһааҥҥытааҕар даҕаны өрө күүрүүлээх буолара былааннанар. 15 боотур ким хайдах күүстээҕин-уохтааҕын, кыахтааҕын-сымсатын көрдөрүөхтэрэ.
Кыайыылаах “Тоҕус томтор оонньуулара” диэн үрдүк ааты сүгэр, көмүс куру кэтэр, бүтүн норуот киэн туттуута буолар уонна 500 тыһыынча солкуобайынан бириэмийэлэнэр. Иккис миэстэҕэ – 300 тыһ.солк., оттон үһүс миэстэҕэ 150 тыһ.солк көрүллэр.
Саха сирин араас муннуктарыттан бастыҥтан бастыҥ, быһыйтан быһый, чахчы бэйэлэрин билиммит эр бэртэрэ кэлэн кыттыыны ылаллар. Уратыта диэн 9 сахалыы оонньууга күөн көрсөллөр.
Бүгүн, бэс ыйын 20 күнүгэр, 14 чаастан “Боотур Уус” стадиоҥҥа түөрт көрүҥҥэ күрэх буолуоҕа:
Бэрэмэдэйдээх сүүрүү; Тутум эргиир; Мас тардыһыыта; 400 миэтэрэҕэ сүүрүү.Сарсын, бэс ыйын 21 күнүгэр, 14 чаастан Маҕаайы алааһын “Амфитеатрыгар”:
9 туос ыстаныы (сахалыы ыстаныылар: кылыы, ыстаҥа, куобах); Кулун тардыы; Хапсаҕай; Оҕунан ытыы; Бэрэбинэни көтөҕүү.Быйылгы ХI-с “Тоҕус томтор оонньууларын” кыттааччыларын ааттыыбыт:
Семен Ануфриев (Дьокуускай); Айсен Ботуев (Үөһээ Бүлүү); Айхал Бюлтясов (Чурапчы); Алексей Ефимов (Муома); Күндүл Карбаканов (Бүлүү); Давыд Колесов (Мэҥэ Хаҥалас); Владислав Корякин (Хатас); Ньургун Лавров (Чурапчы); Данил Моисеев (Ньурба); Ахсым Мохсоҕол (Чурапчы); Айлан Николаев (Хатас); Дьулустан Ноговицын (Горнай); Дмитрий Ноев (Чурапчы); Артем Оконешников (Орто Халыма); Владимир Федоров (Ньурба).Сэмэн ЖЕНДРИНСКЭЙ. Хаартыска ааптар тус архыыбыттан
Поделиться в MAX национальные виды спорта