Мандар Уус Андрей Борисовка эҕэрдэтин туһаайда
Арассыыйа норуотун артыыһа, Арктикатааҕы эпос уонна ускуустуба киинин салайааччыта Андрей Борисов Үлэ Дьоруойа үрдүк ааты сүкпүтүнэн СӨ Духуобунаһын академиятын академига Борис Неустроев — Мандар Уус үөрүүтүн үллэстэр:
— Ытыктабыллаах Андрей Саввич! Дойду Президенэ В.В.Путин эйиигин Үлэ геройа оҥорбутун истэн олус үөрдүм, эҕэрдэбин тиэрдэбин.
Мин эйиигин саха омук сайдыытыгар сүҥкэннээхэй кылааты киллэрбит, саха омугу атын омуктар ылынан, билинэн, эйиигинэн сирэйдээн үрдүктүк саныыр буолалларыгар суолу аспыт киһинэн билинэбин.
Өрөспүүбүлүкэбит бастакы Президенэ М.Е.Николаевтыын биир санаанан саҕалаан, көһөҥө тааһы хамсатан, бары хайысханан дириҥ, киэҥ үлэ барда уонна салҕанан барарыттан үөрэбин. Ыытар үлэҥ сүрүн ис хоһооно итэҕэлбит өйдөбүлэ тыыннаах хаалыытыгар туһаайыллан, үгүс үтүө түмүктэрдээҕин бары көрөн үөрэбит, астынабыт.
Айыы итэҕэлэ атаҕар туруутугар сырабыт таах хаалбакка, дьоммут-сэргэбит итэҕэли өрө тутан сайдыа диэн эрэнэбин, эйиэхэ дьолу-соргуну баҕарабын! — диэн Баайаҕаттан норуот маастара Борис Федорович Неустроев — Мандар Уус эҕэрдэтин ыытта.
Хаартыска: Ил Дархан Айсен Николаев MAX ханаалыттан
Өссө ааҕыҥ: «Икки Геройдаах Духуобунас Академията буоллубут» Поделиться в MAX Андрей БорисовГерой ТрудаМандар Уус