Хаҥаластар кэлэр кыстыкка бэлэмнэнэллэр

Олорор дьиэ-уот хомунаалынай хаһаайыстыбатын Хаҥаластааҕы филиала 2026-2027 оттук сезонугар бэлэмнэнэр. Быйылгы оттук сезонугар өрөмүөн үлэтэуустук кэмҥэ ыытыллар. Этэргэ дылы, хаһаастаах буоланнар, үлэ барар. Филиал дириэктэрэ Дмитрий Николаев сайыҥҥы өрөмүөн үлэлэрин туһунан «Хаҥалас» хаһыат маннык иһитиннэрдэ.

Бүгүҥҥү күн биһиги улууспут учаастактарыгар өрөмүөн үлэтин бырагыраамата 92% толорулунна. Иһит нэһилиэгин хочуолунайыгар биэс сетевой уонна икки подпиточнай насостар уларыйбыттара. Сиинэҕэ оскуола хочуолунайыгар икки сетевой насос саҥардыллан кыамтатын күүһүрдэн биэрдибит.

Бэстээхтээҕи учаастакка МПЧ -5 уонна Заводская 35/1 аадырыска тиийэ магистралыгар сылаас ситимэ уларыйбыта. Лэглэгэргэ эмиэ саҥардыбыттара. Онтон атын өрөмүөн үлэлэрэ барыта Покровскай куорат хочуолунайдарыгар, сылаас ситимин тыраассаларыгар ыытылла турар, — диэтэ салайааччы.

Төһө да үп-харчы татымын үрдүнэн, күнү-дьылы, ардаҕы-самыыры аахсыбакка, үлэни үмүрүтэн, барытын силигин ситэрэн, олохтоох дьон-сэргэ нус-бааччы сылаас дьиэлэргэ кыстыылларын туһугар олох-дьаһах хомунаалынай хаһаайыстыбатын туруу үлэһит дьоно бу курдук сыралаһан туран үлэлииллэр.

Уйбаан УЙГУУРАП,

Хаартыскалар — ОДьХХ Хаҥаластааҕы филиалын архыыбыттан.

УлуусМедиа