Сайыны санатар ырысыаптар

Сотору тымныы күннэр сатыылыахтара. Сылаас күннэри санатар астары астаан, сайын үтүө күннэрин санаан ааһыахха. «Далбар Хотун» сурунаалга тахсыбыт Татьяна Пестрякова ырысыаптарын эһиги дьүүлгүтүгэр таһаарабыт.

Быырпах — 1 ыстакаан;
Суорат — 1 ыстакаан;
Уу — 3 л;
Саахар — сөбүлүүргүнэн.

Астааһына:
Барытын кутан баран күүгэннириэр диэри ытый, хаппахтаа. Биир суукка хос сылааһыгар туруор. Сойут. Утах иһэргэ бэлэм буолар.

Уу — 1 л;
Оҕурсуу — 1 устуука;
Лимон — 1 устуука;
Мята сэбирдэҕэ — сөбүлүүргүнэн.

Астааһына:

Астааһына да судургу. Оҕурсууну төгүрүктүү кырбаа, лимонтан симэһинин ыган ыл, мята сэбирдэҕиттэн кут, уулаа, булкуй уонна сойуор диэри тымныыга туруор. Иһэргэр муустаа.

Минньигэһи сөбүлүүр буоллаххына саахар эбиэххин сөп. Киһи доруобуйатыгар олус туһалаах. Утаҕы ханнарар, эккин-сииҥҥин ыраастыыр, битэмииннэрдээх уонна ырарга көмөлөһөр уратылаах.

Эриэппэ лук — 1 устуука;
Кабачок — 500 г;
Моркуоп — 0,5 устуука;
Сымыыт — 3 устуука;
Сыыр — 100 г;
Үүт — 0,5 ыстакаан;
Күөх тума, туус, биэрэс;
Мас арыыта.

Астааһына:

Түөрт муннуктуу кырбаммыт луугу, аалыллыбыт моркуобу кыратык арыылаах хобордооххо бэйэтин симэһинигэр сымныар диэри буһар. Солуомалыы кырбаммыт кабачогу эбэҥҥин өссө 5 мүнүүтэ устата туруор.

Сымыыты үүтү кытта булкуй, сыырдаа, укроптаа, туустаа-тумалаа уонна буһа турар оҕуруот аһыгар кут. Бэлэм буолуор диэри хобордооххо ыһаарылаа эбэтэр 15-20 мүнүүтэ духуопкаҕа уган буһар.

Ынах арыыта — 180 г;
Сымыыт — 2 устуука;
Саахар — 0,5 ыстакаан;
Бурдук — 3 ыстакаан;
Туус — кымаах;
Суода — 0,5 кыра ньуоска;
Отон эбэтэр атын хойуу барыанньа — 6 улахан ньуоска;
Абрикос.

Астааһына:

Сымнаабыт арыыны, сымыыты, саахары ньыһый. Туус, суода, бурдук кутаҥҥын тиэстэни мэһий. Тиэстэ 3/1 өлүүтүн морозильникка чаас аҥара тоҥор. Хаалбыт өлүүнү халыыпка тэнит, барыанньата таһынан тахсыбатын курдук үрдүк соҕус хаймыылаа.

Барыанньалаа, морозильникка турбут тиэстэни терканан аалаҥҥын кут. Абрикостары аҥаардаан, бысталаан баран бөрүөк үрдүгэр уурталаа. 180 кыраадыска диэри духуопкаҕа 30-40 мүнүүтэ буһар.

Минньигэстик аһааҥ!

УлуусМедиа