Дьааҥылыы тыыннаах «Чолбон»

 «Чолбон» сурунаал балаҕан ыйынааҕы нүөмэригэр кэрхсээн ааҕыҥ:

– 1990 сыллаахха «Чолбон» төрүт аатын төнүннэрбит Павел Никитин бас эрэдээктэрдээх эрэдээксийэ киирии тылын;

– Дьааҥыга анаммыт нүөмэргэ улуус мунньаҕын бэрэссэдээтэлэ Екатерина Ноговицына «Дьааҥы – хотугу Шамбала» диэн аартыгы арыйар ыстатыйатын;

– Дьааҥыттан төрүттээх суруйааччы Степан Юмшанов «Оҕонньоттор олуйсуулара», «Сэрииттэн ордубут уордьан», «Таҥнарыы» диэн кэм-кэрдии уонна дьон өйдөбүлэ, таптал уонна таҥнарыы, Аҕа дойду Улуу сэриитэ уонна 90-с сыллар тустарынан кэпсээннэрин;

– Верхоянскай куоракка олорор айар куттаах Көҥүл Кыыс хомуһуҥҥа уһуйуллубут Көтүүнэ кыыс умсулҕаннаах дьылҕатын туһунан «Тиис» диэн мүччүргэннээх кэпсээнин;

– Үүттээххэ олорор эдэр прозаик Николай Петров Саха сиригэр кэлбит нуучча хаһаактарын утары Тыгын уола Чаллаайы баһылыктаах утарсыыны уус-ураннык дьүһүйэр «Остуруок» сэһэниттэн быһа тардыытын;

– Дьааҥыттан төрүттээх билиҥҥи кэм поэттара Дуулаҕа Дьуһаал, Рустам Каженкин, Елизавета Мигалкина, Хотууна Раиса Чирикова уонна Архаан төрүт түөлбэлэрин хоһуйар, ураты тэтимин биэрэр хоһооннорун бөлөҕүн;

– Литератураҕа баай үгэстээх Дьааҥы сирин олохтоох ааптардарын хоһооннорун;

– Сурунаал ааптара, олоҥхону чинчийээччи Василий Илларионов «“Чолбон” сурунаал норуот тылынан уус-уран айымньытын сөргүтүүгэ уонна тарҕатыыга суолтата» ыстатыйатын;

– «Биллиилээх суруйааччылар биографиялара» рубрикаҕа Дьааҥыттан төрүттээх саха литературатын сүрүннэспит норуот поэта Моисей Ефимов олоҕун туһунан Рустам Каженкин суруйуутун;

– «Үс кыһыл көмүс статуэткалар» диэн Индия остуоруйатын Николай Якутскай тылбааһыгар.

Күн – сири, «Чолбон» – саханы сырдатар.

Алгыһы кытта «Чолбон» сурунаал

УлуусМедиа