Норуот тапталлаах артыыһа Аркадий Новиков пааматынньыга арылынна

Мэҥэ Хаҥалас улууһун Дьаҥхаады нэһилиэгэр Аркадий Новиков пааматынньыгын үөрүүлээх арыллыыта ыытылынна. Дьоро тэрээһиҥҥэ артыыс биир дойдулаахтара, бар дьоно тоҕуоруһа муһуннулар.

Өйдөбүнньүгү скульптор Ньургустаана Филиппова уонна маастар Николай Филиппов боруонсаттан чочуйан оҥордулар. Кэлин Аркадий Новиков пааматынньыгын таһыгар саҥа кулууп тутуллара былааннанар.

Санатар эбит буоллахха, Аркадий Новиковка пааматынньык туруорарга кини үөлээннээҕэ, доҕоро Анна Охлопкова тыл көтөхпүтэ.

Ол кэннэ Дьаҥхаады нэһилиэгин дьаһалтата уонна олохтоохторо, артыыс аймахтара үп-харчы хомуйбуттара.

Норуот таптыыр артыыһа Аркадий Новиков сырдык мичээрэ, үөрбүт мөссүөнэ үйэтитиллибитинэн кини айар үлэтин сүгүрүйээччилэрин эҕэрдэлиибит.

Саргылаана Макарова хаартыскаҕа түһэриилэрэ уонна видеота

УлуусМедиа