Балыктаах расстегай
«Далбар Хотун» сурунаалга тахсыбыт Анюта Колодезникова ырысыабын билиһиннэрэбит. Балыктаах расстегай бэрт түргэнник уонна судургутук астаныллар.
Састааба:Бурдук – 375 г
Үүт – 125 мл
Сымыыт – 1 уст.
Сүөгэй 15% – 230 г
Туус – 1 к.нь.
Көпсөтүү – к.нь. аҥара
Начыыҥҥа:Уомул – 700 г
Сымыыт – 2 уст.
Моркуоп – 1/3
Луук – 1
Хара биэрэс
Бастаан начыынын астаа. Сымыыты бөдөҥнүү буһар, балык уҥуоҕун итигэстээ. Лууктаах моркуобу теркалаа уонна мас арыытыгар ыһаарылаа. Балыгы, сымыыты кут, туустаа, тумалаа. Хаппах анныгар мөлтөх уокка туруор. Уута-хаара бүтүннүү көтүө суохтаах.
Тиэстэни оҥорорго үүккэ сымыыты, сүөгэйи, тууһу, бүтэһигинэн көпсөтүүнү кутан булкуй. Уонна бурдукка кутан тиэстэни мэһий. Бэлэм тиэстэни 30 мүнүүтэ тымныыга туруор. Сынньаммыт тиэстэни чараас гына тэнит (бу тиэстэттэн 17 расстегай тахсар). Начыыны тиэстэ ортото ууран үс муннуктары оҥортоо. Ортотугар дьөлөҕөстө хааллар, сымыыт уоһаҕынан сот. 180 кыраадыска диэри сылыйбыт духуопкаҕа буһар.
Анюта Колодезникова Өссө ааҕыҥ: Три проверенных рецепта заготовок на зиму Поделиться в MAX Далбар ХотунРецепты